Ida Bagus Mas Abdi Putra pinaka sinalih tunggil Mahasisia Program Studi Pendidikan Bahasa Bali Undiksha Semester 6, ipun aktif dados Mahasisia saking 2019 ngantos mangkin. Makudang-kudang Kegiatan Mahasisia Ipun kasarengin minakadi Ajang Kreativitas Mahasiswa Fakultas Bahasa dan Seni 2019, 2020, lan 1021 dados Dalang. Ipun taler nyarengin Dies Natalis Undiksha 2019, 2020 lan Ipun sai kajudi dados Pewara miwah MC sajerong acara-acara ring Kampus. Nenten wantah Kegiatan Mahasiswa manten Ipun taler nyarengin Organisasi ring Lingkungan Undiksha inggian Punika Himpunan Mahasiswa Jurusan Bahasa Sastra Indonesia dan Daerah, lan Forum Komunikasi Bidikmisi Undiksha masa bakti 2010/2021. Kegiatan Mahasiswa lan Oragnisasi ring Lingkungan Undiksha sampun Ipun sarengin nenten mabuatang Ipun lali saking swadhrma dados Mahasisia Ipun setata ngamolihang IP 3.9. Ipun pinaka Mahasisa sane patut anggen conto majeng ring Mahasisia lianan nenten wantah deug lan Jemet malajah Ipun taler ngamolihang Bidikmisi anggen biaya Kuliah Ipun, nanging Ipun taler makarya dados pramusiar ring Radio minab punika dados kasenengan Ipun.
Ida Bagus Mas Abdi Putra taler naanin nyarengin Wimbakara-wimbakara sajeroning acara Sarasehan VIII Imbasadi 2021. Wimbakara-wimbakara sajeroning acara Sarasehan VIII punika kasarengin olih 84 pamilet saking 30 Perguruan Tinggi. Ida Bagus Mas Abdi Putra ngamolihang Jayanti 1 Wimbakara Karya Tulis Ilmiah Nasional, Jayanti 1 Dokumenter, Jayanti 1 Drama Nusantara, lan Jayanti Umum sajeroning acara Sarasehan VIII. Sarasehan VIII kalaksanayang olih Ikatan Mahasiswa Bahasa dan Sastra Daerah se-Indonesia ring Universitas Sumatra Utara. Acara Sarasehan puniki silih sinunggil acara Nasional sane kasarengin olih Mahasisia Bahasa lan Sastra Daerah se-Indonesia. Sarasehan VIII kalaksanayang ring pinanggal 1-7 Juni 2021. Ida Bagus Mas Abdi Putra prasida ngamolihang Jayanti sajeroning wimbakara-wimbakara sane kasarengin santukan ipun taler polih bimbinga saking Bapak Dr. I Ketut Paramarta, S.S., M.Hum. pinaka sinalih tunggil dosen Program Studi Pendidikan Bahasa Bali Undiksha. Mawinan semangat lan seleg Ipun prasida ngomolihang Jayanti Umum ring acara Sarasehan VIII puniki. Ida Bagus Mas Abdi Putra pinaka conto majeng ring Mahasisia Program Studi Pendidikan Bahasa Bali Undiksha Mangda termotivasi antuk nyarengin Wimbakara-wimbakara lan Kegiatan Mahasiswa ring Kampus.