Singaraja, 17/12/2023 – Pulo bali pinaka silih sinunggil kepuloan sane wenten ring wewidangan Indonesia. Pulo bali, madue akeh pisan kesenian sane mapaiketan sareng sastra lan budaya bali taler dagingnyane madue nilai sane relevan keanggen ring kahuripan aab jagate sakadi mangkin. Silih sinunggil kesenian sane wenten ring Desa Penglatan, Kabupaten Buleleng, Bali inggih punika Kesenian renganis. Kawentenan kesenian puniki nenten lempas saking kahuripan parajana ring desa penglatan, minakadi kahuripan petani rikala manyi ring carik. Daging kesenian puniki taler madue nilai sane prasida iraga anggen ring kahuripanne mangkin.
Manut saking Bapak Wayan Sukerena lan Gede Agus Suyasa “kesenian renganis punika kesenian grup vokal, kesenian renganis wantah wenten ring Desa Penglatan kemanten, renganis puniki jarang-jarang ketampilang ring acara umum”Sane mangkin kesenian puniki sampun wenten ring tahap re-generasi, punika kalaksnayang sumangdane kesenian puniki prasida kalestariang taler kauningin olih anak sane tiosan. (Klp 3)
Tim Jurnalistik: IDA AYU SINTA WAHYU UTAMI, KADEK BUDI SETIANI, IDA AYU DEA SASTRA DEWI