Mahasisia Pendidikan Bahasa Bali, Putu Suwidnyana sampun akeh ngamiletin wimbakara sane wenten ring nasional lan lokal. Suwidnyana inggih punika mahasisia sane molihang beasiswa Bidikmisi. Ipun ngawitin perkuliahan ring Warsa 2019, Suwidnyana sampun molihang jayantinyane ring warsa salantur ipun. Warsa 2020 ipun sampun molihang jayanti 3 ring wimbakara Ngwacen Lontar Bulan Bahasa Bali 2020 sane kalaksanayang olih Dinas Kebudayaan Kabupaten Buleleng pinanggal 14 Februari 2020.
Nglantur ring warsa 2021, Suwidnyana ngamiletin wimbakara-wimbakara nasional lan lokal. Saking wimbakara ring Nasional, ipun sampun ngamolihang jayanti:
- Top 3 Best Engagement Comunnity Innovillage Telkom 2021 sane kalaksanayang olih BUMN lan Tellkom ring pinanggal 8-21 Oktober 2021.
- Harapan 3 LKTIN KOIN sane kalaksanayang olih Universitas Negeri Semarang ring pinanggal 18-20 September 2021
- Juara Harapan 3 LKTIN FORMADIKSI Universitas Negeri Malang sane kalaksanayang olih Universitas Negeri Malang ring pinanggal 1 Juni – 29 Agustus 2021.
- Juara Harapan 1 Esasay Dies Natalis Imbasadi sane kalaksanayang olih Universitas Sumatra Utara ring 19-26 Febuarai 2022.
Nenten wantah ring Nasional kemanten ipun molihang jayanti, warsa 2021 ipun malih dados jayanti 2 ring wimbakara Ngwacen Lontar Bulan Bahasa Bali 2021 sane kalaksanayang olih Dinas Kebudayaan Kabupaten Buleleng ring 14 Februari 2021. Suwidnyana sampun sida nincapang kawagedan ngwacen Lontarnyane lan ngangganin Kecamatan Banjar ring warsa 2021 punika. Pastika kawagedan ipune sayan nincap santukan saking utsaha-utsaha malajahin aksara Bali.