Singaraja, 17/12/2023 – Kawéntenan tata cara miwah media paplajahan sané becik anggén Anak Berkebutuhan Khusus (ABK) kantun dados pikobet ring soang-soang lembaga pendidikan. Punika mawinan ring paplajahan basa Bali, pamekasnyane aksara Bali. Sinalih tunggil pikobet punika mamargi ring SLB Negeri 1 Tabanan. Kahanan punika ngawinang tenaga pendidik durung mautsaha nyobyahang paplajahan aksara Bali ring para sisia. Punika ngawinang para sisia Tunanetra nenten prasida uningin sapunapi wentuk utawi rupan aksara Bali. I Nyoman Meiarta Sedana, S.Kom pinaka Kepala Sekolah ring SLB Negeri 1 Tabanan miwah kasarengin guru Bahasa Bali irika saking sadu wicàra ngaptiang kawentenan program puniki prasida maguna ring paplajahan Aksara Bali majeng ring anak Tunanetra, krana saking sekolah durung prasida ngawentenang media paplajahan, dadosnyane anak Tunanetra durung prasida kaicenin pangweruh sane becik pamekasnyane ring paplajahan aksara Bali puniki.
Kahanan punika dados uratian mahasisia Universitas Pendidikan Ganesha (Undiksha) sané nyarengin tim PKM-PM. Ring pantarannyane, Ni Pande Kadek Dewi Sudiartini (PGSD), Ni Kadek Trisna Putri Utami (PGSD), Ni Kadek Feby Widianita (PGSD), Ni Kadek Ayu Gita Wulandari (PGSD), miwah Desak Made Dian Widianingsih (Pendidikan Bahasa Bali). Desak Dian pinaka wargi tempekan maosang, pengabdian punika kaicen marupa media paplajahan inovatif sane mamurda Relief aksara Bali (Reaksi) Berbantu Suara Untuk Pemberdayaan Anak Tunanetra Dalam Literasi Aksara Bali. “Dadosnyané media punika ngwantu guru-guru mangda manggihin tata cara nyobyahang taler melajahin aksara Bali ring sisia Tunanetra, malarapan antuk Relief aksara Bali sané madaging wantuan suara pinaka media paplajahan”, baos dane, Selasa (05/11/2023). Tempekan puniki sane sampun kasub nyaritayang indik paletan pelatihan sane sampun kaselehin antuk gaya belajar sisia Tunanetra, inggih punika meraba miwah mirengang (auditory). Kakawitin antuk meraba, mengenal, membaca, miwah menulis aksara Bali.
Guru ritatkala nganggen media punika ring paplajahan ngicénin balok relief antuk ngacak conto aksara, mangda alit-alite prasida nebak aksara Bali punika. Raris mapaiketan sareng ngwacen, guru ngicénin kalih kotak relief aksara Bali, upaminyané aksara “ba” miwah “pa” kagabung dados “Bapa”, ngwewehin. Rikala jagi nyurat punika kasiagayang kertas gambar sane kadagingin antuk benang kasur pinaka ngwatesin kertas ngawit saking ngawit nyurat. Kabaosang malih, pelatihan miwah bimbingan sané terus kalaksayang puniki prasida ngicenin dampak positif, ngiusin mangda nincapang literasi aksara Bali ring anak Tunanetra, antuk nyurat miwah ngwacén kruna-kruna sederhana nganggén aksara Bali. Sampun mabukti, para sisiane prasida ngamolihang jayanti ring parikrama pacentokan nyurat aksara Bali sane kalaksanayang olih Tim PKM-PM. Manut hasilnyane, saking anak Tunanetra kacingak tigang sisia sané nyurat sampun becik pisan, papat sané nyurat taler becik, miwah kakalih nyurat sampun lintang sedeng. (klp 2)
“Utsaha ta larapana, Karyasing pahapagëhën”
Sloka Ramayana XXXV.15
“Usaha yang gigih merupakan kunci utama, tekunilah setiap pekerjaan sesuai keahlianmu secara konsisten dan profesional. Keterbatasan bagi anak tunanetra bukanlah halangan untuk mencoba hal baru untuk mendapatkan pembelajaran yang optimal khususnya dalam mengenal Aksara Bali”.
Tim Jurnalistik: Desak Made Dian Widianingsih (Presenter, Penulis Berita), Ni Komang Ricani (Dubbing Video, penyunting), Putu Demas Septya Reditya (Editor Video, penyunting)